“Aok men bubur e dari beras. Nih bubur e dari daun keladi. Telen lah dari ikak biar perut ikak gatel,” celetuk warga Kampung Kami yang lain yang muet warga Kampung Kami ketawak ngakak nenger e. Bahkan ade yang hampai tekencing-kencing di hepan karena nue ketawak nenger cakap warga Kampung Kami tadi.

“Biarlah kite nahan ati semasa die mimpin Kampung kite. Pe dak lame agik masa e die mimpin Kampung kite. Pacak di itung ken jari masa die mimpin Kampung kite. Jadi raje di kampung kite. Dak lame agik,” kate warga Kampung Kami.

“Kelak kite pulek meluntang die saat die nek nyalon agik,” ucap warga Kampung Kami.

Baca Juga  Guwo Benteng Toboali

“Bener nian. Aku hetuju. Ape yang diberi die saat kampanye kite terimak bae. Di tepees, kite dak usah milih die. Biar die ngangai. Macem mane?” usul seorang warga Kampung Kami.

“Hetuju!” surak para warga Kampung sambil tepok tangan gembira.

Warga Kampung Kami beangsur-angsur mulai kempes. Urang e lah mulai ngecet. Hikuk-hikuk lah mulai ninggel warung kupi Buk Geriul. Maklum, bedug magrib lah ken bebunyi. Mereka pulang nuju rumah masing-masing dengan sikok tekad.

Tekad mereka lah sangat jelas. Nek meluntang Markudut pemimpin mereka di pemilihan Kepale Kampung taun adep biar Markudut jerak. Nabat saat jadi pemimpin Kampung. Dak sekenek perut die dalam semue hal. Temasuk soal becakap. Dak meudeng-meudeng.

Baca Juga  Resah

Ingen rase e warga Kampung Kami memintak ken panitia pemilihan Kepale Kampung, agar pemilihan Kepale Kampung Kami cepet-cepet digawe bier warga Kampung Kami pacak meluntang Markudut di tepees sehingga die tau rase e tejender sekaligus tekekep dan tejerusep.

Toboali, Juli 2026