Anak Bawang:
”Pulang kebon badan lete
Duduk hebentar di tenga pintu
Dateng ken tingok urang tue kite
Minta la do’a ken restu”

Sang Usang:
”Kurang gawe nuduk getah
Pacak hepan diaduk tanah
Urang tue duduk di atah
Anak sopan duduk di bawah”

Nyerupe:
”Beburu ke Tanjung Timor
Dapet jembang mate hebul
Urang tue agik ade umor
Pasti do’a e dikabul”

Anak Bawang:
”Hude mandek, rambut disisir
Biles dak berse, rambut bebue
Jangan la kite namba beban pikir
Men hayang nian ken urang tue”