Hungai Nyire pelaben lame
Liwat Tanget gi ke hane
Kelak hure ke Himpang Lime
Kite bepotret hampai line

Celepuk bulo pilor kemantut
Pemaen kite jaman bareik
La behempilo rajin ngasut
Hude bekate la bekateik

Maen hago ci amber
Maen tamat ci ngancel
Kite jago usa dibier
Biar di akherat dak ngganjel

Dak dijejet dak dihintek
Heredek kerasen cem leket
Hiket hanet nek tepantek
Dugo kehalen punten kecet

Maken kerek dari kinceng
Hidiket dicamper pakai garem
Bereik betek mimang suceng
Ape diader abis diranggem