“Neeee, itu lah Bang yang nek ku kisohken Abang hari ni. Macem e dak sesuai agik dak, Bang? Biase men nye nek makan ken belanje, ade-ade bae urang minta tulung ngelas ken mener mesin ke bingkel kite ni. Pecaye dak pecaye ken mimpi kite, Bang. Ukan kite nek ngendue Tuhan, macem mane kite cube dateng Tok Amau, Bang? Hape taken ade solusi dari Datuk e?”

“Jadi uge lah, Dek. Kelak kite cube ngayau ke umah Tok Amau hare bekelakar ken Datok e.”

Malem Jumat, Safar ken Sati lame bekelakar ken Tok Amau hampai tengah malem. Pulang-pulang muik hebutol aek untuk dikelileng di batas pekarang umah laki bini tu.

“Inget pesen Atok, aok. Ikak dak perlu tau hape urang yang dak ingen ken ikak, aok. Dan ikak dak perlu ngembales perbuatan urang itu, cukup Tuhan bae lah yang tau macem nek e.”

Dak lame hude ngambur aek ngelileng umah, hekitar heminggu hude tu, baru bingkel Safar kini ramai pulik urang gi minta tulung mener mesin ken ngelas.

Macem istilah kunyet ken kapuk, atas izin Allah SWT, penumpes yang dipasang urang di bingkel Safar macem dak befungsi agik. Wallahu a’lam bish-shawabi, hegale sesuatu lah diatur Tuhan. Yang baik pulang baik, yang jahat pasti nuai jahat.

Mudah-mudahan kini dak agik urang makai penumpes yang bakal nyusah urang lain, hebab men kite nyusah urang lain, lah pasti kelak kite bakal disusah dari Tuhan, Penguasa Alam Semesta.

Wassalam.

Sinopsis: Safar dan bini’e, Sati, dilanda kesusahan karene bengkel sepi dapet empat bulan akibat sihir “Penumpes”. Utang bank numpuk dan mereka terpaksa nggadai barang tuk makan. Putus asa, mereka nemui Tok Amau, dukun kampung. Atas izin Allah, sihir hilang setelah nerapken saran Atok. Bengkel kembali ramai dan rejeki mengalir lancar.
Tidak Membalas Kejahatan dengan Kejahatan: Seperti pesan Tok Amau, ketika ada orang yang berniat buruk atau berniat menjatuhkan usaha kita, kita tidak perlu membalasnya. Cukup bersabar dan menyerahkan segala urusan kepada Tuhan.