Anak Bawang:
”Isi ragak la ngerue
Ade donat dilapis mentiga
Jangan nyegak urang tue
Kene laknat idup dak hemengga”

Sang Usang:
”Kurang nue usah diakel
Kelak dihala ngaruk kuku
Urang tue usah dibangkel
Kelak bebala buruk hiku”

Nyerupe:
”Gi begawe dihangu kue
Kue dihangu buik nyulo
Hemakin tue urang tue
Kite pulik genti ngembelo”

Anak Bawang:
”Natak hekaput pulang dalu
Pulang nunton band di Bencah
Urang tue kite do’a helalu
Badan sihat peno berkah”